ಡಾ.ಜಿ.ಎಸ್.ಆಮೂರ
ಅವರ ಪತ್ನಿ ಶ್ರೀಮತಿ ಶಾಂತಾ ಗುರುರಾಜ ಆಮೂರರು ಅವರು ಶನಿವಾರ ಅಪರಾಹ್ನ 85ರ
ಪ್ರಾಯದಲ್ಲಿ ತೀರಿಕೊಂಡಿದ್ದಾರೆ. ಅವರು ಅರವತ್ತು ಮೂರು ವರುಷದ ದಾಂಪತ್ಯ ಜೀವನ ನಡೆಸಿ,
ಹೆಸರಿಗೆ ಅನ್ವರ್ಥಕವೆನಿಸುವಂತ ಸ್ವಭಾವ, ಗುಣ, ನಡತೆ ಅವರದು 1941-42ರಲ್ಲಿ ಹೈಸ್ಕೂಲು
ವಿದ್ಯಾರ್ಥಿನಿಯಾಗಿದ್ದಾಗ, ತಮ್ಮ ಮನೆಯ ಹಿರಿಯರ ಹಾದಿಯಲ್ಲಿ ನಡೆಯುವವಳಂತೆ ಆಕೆ,
ಅಣ್ಣ, ಅಪ್ಪಂದಿರೊಂದಿಗೆ ಚಲೇ ಜಾವ್ ಚಳವಳಿಯಲ್ಲಿ ಭಾಗವಹಿಸಿದ್ದರು. ಅಲ್ಪವಯಿ ಹೆಣ್ಣು
ಎಂಬ ಕಾರಣದಿಂದ ಜೇಲಿಗೆ ಹಾಕಲಿಲ್ಲ ಇವರನ್ನು. ಬಿ.ಎಸ್.ಸಿ. ಫಿಜಿಕ್ಸ್ ಪದವೀದರೆಯಾಗಿ
ಶಾಲಾ ಶಿಕ್ಷಕಿಯಾದರು; ಗದಗಿನ ವಿದ್ಯಾದಾನ ಸಮಿತಿ ಶಾಲೆಯಲ್ಲಿ-1956-64ರಲ್ಲಿ ವಿಜ್ಞಾನ
ಶಿಕ್ಷಕಿಯಾಗಿ ವಿದ್ಯಾರ್ಥಿನಿಯರಿಗೆ ಪ್ರಿಯರಾಗಿದ್ದರು. ಅವರದು ಮೌನ-ಓದು; ಆದರೆ
ಸಂದರ್ಭೋಚಿತವಾಗಿ ಸುತ್ತ ಮುತ್ತಲ ಜನರೊಂದಿಗೆ ಬೆರೆಯುತ್ತಿದ್ದರು. ಮನೆ ಗೆಲಸದಲ್ಲೇ
ನಿರತರಾಗಿ, ಪತಿಗೆ, ಅವರ ವೃತ್ತಿ-ಹವ್ಯಾಸಗಳಿಗೆ ಸಂಪೂರ್ಣ ನೈತಿಕ ಬೆಂಬಲ-ಸಹಕಾರ
ಕೊಟ್ಟು; ಮೂವರು ಗಂಡು ಮಕ್ಕಳು, ಒಬ್ಬ ಹೆಣ್ಣು ಮಗಳನ್ನು ಉಚ್ಚ ವಿದ್ಯಾಭ್ಯಾಸಕ್ಕೆ ಅಣಿ
ಮಾಡಿದರು. ಮತ್ತೊಬ್ಬರ ಏಳಿಗೆಯಲ್ಲಿ ತನ್ನ ಸಾರ್ಥಕತೆ ಕಂಡುಕೊಳ್ಳುವ ಸೌ.ಶಾಂತಾ,
ತನಗಾಗಿ ಏನನ್ನೂ ಅಪೇಕ್ಷಿಸಿದವರಲ್ಲ; ಆಗ್ರಹ ಪಡಿಸಿದವರಲ್ಲ; ನಿಸ್ಪೃಹತೆಯ ಜೀವ ಆಕೆಯದು.
ಧೈರ್ಯ, ಸ್ವಾವಲಂಬನೆ, ಸರಳತೆ, ನಿಷ್ಕಲ್ಮಷತೆ, ಪರೋಪಕಾರಗಳು ಆಕೆಯ ಜೀವನ ಸಾಧನೆ
ಮತ್ತು ಸಾಧನೆಗಳಾಗಿದ್ದವು. ಗೃಹಿಣಿಯಾಗಿದ್ದೇ 'ಸಂತ' ಜೀವನ ಗಿಳಿಸಬಹುದೆಂಬುದಕ್ಕೆ
ಸೌ.ಶಾಂತಾ ಉದಾಹರಣೆ ಆಗಿದ್ದಾರೆ.
[ಮಾಹಿತಿ - ಬೇಂದ್ರೆ ಭವನ ಧಾರವಾಡ ]
[ಮಾಹಿತಿ - ಬೇಂದ್ರೆ ಭವನ ಧಾರವಾಡ ]
No comments:
Post a Comment